相信只要你是地道香港人就會有吃過燒味！我們是吃香港燒味長大的。

由細個啊媽無心情煮飯買一盒燒味塞住你把口....
中學時代青春無限打完波肚餓無錢吃飯同波友share一盒.....
大個少少以為自己好有錢一條友去齒一隻高級燒鵝但最後食唔曬.....
激嬲了母親大人買回家加料點知啊媽話唔健康....
到未來外母家拜會加料外母覺得你寒酸....最後都好彩唔洗同佢個女結婚
終於娶到個好老婆，但覺得老婆的菜好淡又唔敢出聲買盒回家扮加料.....
去到人到中年開OT時到樓下轉角外賣一盒四寶飯繼續工作，不禁諗我究竟係度做咩

你總會有你自己的原因吃燒味！

叉燒好易燒！有焗爐，調味料和豬腩肉就成功了！

• 洗乾淨豬仔
• 料理酒，生抽，叉燒醬 拌均醃豬仔
• 醃一晚或者一陣，用平的焗盆蓋頂200度焗大約45分鐘 （其實可以用錫紙）

•  焗到表面有少少色，少少黑色邊就可以掉走個蓋，轉到130度
• 每隔十分鍾就將焗盆中的汁淋到叉燒表面，這樣重覆直到叉燒變成平時你出街見到叉燒的樣子就完成啦 （大約30分鐘）